छत्रपती संभाजीनगर, 7 नोव्हेंबर (हिं.स.)। महाराष्ट्र राज्य परीक्षा परिषदेमार्फत महाराष्ट्र शिक्षक पात्रता परीक्षा-2025 परीक्षेचे आयोजन रविवार, दि. 23 नोव्हेंबर, 2025 रोजी करण्यात आले आहे.

महाराष्ट्र शिक्षक पात्रता परीक्षा-2025 परीक्षेच्या आयोजनाची कार्यवाही सुरु असून परीक्षेसंबंधित कार्यवाहीबाबत वेळोवेळी परीक्षा परिषदेच्या संकेतस्थळावर अधिकृत माहिती देण्यात येत आहे.

परीक्षेसंबंधी युट्युब चॅनल्स, सोशल मिडिया प्लॅटफॉर्मद्वारे व प्रसार माध्यमाद्वारे दिल्या जाणाऱ्या चुकीच्या व दिशाभूल करणाऱ्या बातम्या, अफवांवर विश्वास न ठेवता महाराष्ट्र राज्य परीक्षा परिषदेच्या www.mscepune.in व http://mahatet.in या अधिकृत संकेतस्थळावर वेळोवेळी देण्यात येणाऱ्या सूचना व माहितीचे अवलोकन करावे. कोणत्याही चुकीच्या व दिशाभूल करणाऱ्या अफवांवर विश्वास ठेवून झालेल्या नुकसानीस उमेदवार, विद्यार्थी सर्वस्वी जबाबदार असतील याची गांभीर्याने नोंद घ्यावी, असे असे महाराष्ट्र राज्य परीक्षा परिषदेच्या आयुक्तांनी प्रसिद्धीपत्रकाद्वारे कळविले आहे.

---------------

हिंदुस्थान समाचार / Hanumant Madanrao Chitnis