छत्रपती संभाजीनगर, 22 डिसेंबर (हिं.स.)भारतीय जनता पक्ष सातारा, देवळाई, कांचनवाडी, नक्षत्रवाडी व इटखेडा मंडळाच्या वतीने माजी ग्रामपंचायत सदस्य एकनाथ राजाराम काळे यांच्या पक्षप्रवेशानिमित्त भव्य कार्यक्रमाचे आयोजन करण्यात आले होते. पक्षाच्या विकासात्मक विचारधारेवर व नेतृत्वावर विश्वास व्यक्त करत एकनाथ काळे यांनी अधिकृतपणे भारतीय जनता पार्टीमध्ये प्रवेश केला. त्यांच्या या पक्षप्रवेशामुळे मंडळाच्या संघटनात्मक बळकटीकरणास निश्चितच चालना मिळणार असून, हा प्रवेश राजकीयदृष्ट्या महत्त्वाचा ठरला आहे.

या कार्यक्रमास निवडणूक प्रमुख समीर राजूरकर, मंडळातील ज्येष्ठ नेते विनायकराव हिवाळे पाटील, मंडळ अध्यक्ष हृषिकेश भालेराव, भाजप प्रदेश कार्यकारणी सदस्य व ओबीसी मोर्चा प्रदेश उपाध्यक्ष संजय जोरले, इतर मान्यवर, पदाधिकारी व कार्यकर्ते मोठ्या संख्येने उपस्थित होते..

---------------

हिंदुस्थान समाचार / Hanumant Madanrao Chitnis