छत्रपती संभाजीनगर, 24 डिसेंबर (हिं.स.)। महाराष्ट्र राज्यात घडामोडी घडत असताना छत्रपती संभाजीनगर जिल्ह्याचे मनसे जिल्हाध्यक्ष सुमित खांबेकर यांनी शिवसेनेचे मुख्य नेते व महाराष्ट्र राज्याचे उपमुख्यमंत्री एकनाथ शिंदे यांच्या नेतृत्वावर व विकासाच्या भूमिकेवर विश्वास ठेवून शिवसेना पक्षात अधिकृत प्रवेश केला.

या प्रवेशामुळे छत्रपती संभाजीनगरमध्ये शिवसेनेची संघटनात्मक ताकद अधिक भक्कम होणार असून आगामी महानगरपालिका निवडणुकीत शिवसेनेला निश्चितच बळ मिळणार आहे. असे पालकमंत्री संजय शिरसाट यांनी सांगितले. शिवसेना अधिक मजबूत — विकासाचा मार्ग अधिक स्पष्ट! असल्याचे त्यांनी सांगितले.

---------------

हिंदुस्थान समाचार / Hanumant Madanrao Chitnis