सोलापूर, 30 डिसेंबर (हिं.स.)। सोलापूर येथील विजापूर नाका पोलिस ठाण्याच्या हद्दीतील एका सराफी पेढीवर दरोडा टाकून फरार झालेल्या सराइताला वारजे माळवाडी पोलिसांनी अटक केली. अजिंक्य विश्वजित चव्हाण असे सराइताचे नाव आहे. चव्हाण हा रेकॉर्डवरील गुन्हेगार आहे. त्याच्याविरुद्ध वारजे, विजापूर नाका आणि वळसंग पोलिस ठाण्यात गंभीर गुन्हे दाखल आहेत.

याबाबत बोलताना वारजे पोलिस ठाण्याचे वरिष्ठ पोलिस निरीक्षक विश्वजित काईंगडे यांनी सांगितले, आरोपी चव्हाण आणि त्याच्या साथीदारांनी सोलापूर येथील विजापूर नाका पोलिस ठाण्याच्या हद्दीतील एका सराफी पेढीवर सशस्त्र दरोडा टाकला होता. हा सर्व प्रकार सीसीटीव्ही कॅमेऱ्यात कैद झाला होता. दरम्यान, यातील काही आरोपींना सोलापूर पोलिसांनी अटक केली होती. मात्र चव्हाण हा फरार झाला होता. वारजे माळवाडी पोलिसांचे पथक गस्तीवर असताना, पोलिस कर्मचारी अमोल सूतकर यांना चव्हाण हा प्रयेजा सिटी परिसरात येणार असल्याची माहिती मिळाली होती.

---------------

हिंदुस्थान समाचार / यशपाल गायकवाड