अमरावती, 8 डिसेंबर (हिं.स.)

गुन्हे शाखेच्या पोलिसांनी आणखी एक मोठी कारवाई करत एमडी ड्रग्ज तस्करी करताना दोन आरोपींना रंगेहाथ अटक केली. आरोपीकडून एकूण ६९ ग्रॅम एमडी, एक अॅक्टिव्हा वाहन, एक इलेक्ट्रिक वजनाचे माप, दोन मोबाईल असा एकूण ७.४१ लाख रुपयांचा मुद्देमाल जप्त करण्यात आला. अटक केलेल्या आरोपींची नावे मोहम्मद सोफियान मोहम्मद मन्नान (२४, अन्सार नगर, अमरावती) आणि शोएब खान समीर जाम (२४, अमरावती) अशी आहे.

माहितीनुसार, गुन्हे शाखेचेएपीआय मनीष वाकोडे यांना गुप्त ड्रग्ज सूत्रांकडून माहिती मिळाली की दोन युवक पांढऱ्या अॅक्टिव्हा, क्रमांक एमएच -27-सीएफ 5395 वर एमडी तस्करी करत आहेत. ते अमरावती न्यू बायपास मार्गे वडाळीकडे विकण्यासाठी घेऊन जात होते. गुप्त माहितीवरून गुन्हे शाखेने सापळा रचला आणि संशयास्पद अॅक्टिव्हा ताब्यात घेतली. चौकशीदरम्यान, दोघांनी स्वतःची ओळख मोहम्मद सोफियान मोहम्मद मन्नान (२४), शोएब खान आणि समीर जाम (२४) अशी करून दिली. त्यांची झडती घेतली असता ६९ ग्रॅम एमडी ड्रग्ज आढळले.

अनेक पुरवठादारांची नावे उघड

अटक केल्यानंतर, दोन्ही तस्करांनी अमरावती शहरातील अनेक ड्रग्ज तस्करांकडून खरेदी केल्याचे उघड केले. यामध्ये सैय्यद अल्तमश सैय्यद गफ्फार (अंसार नगर), गोलू कबीर (अंसार नगर), आवेज कुरेशी आरिफ कुरेशी (गवळीपुरा), साकिब कुरेशी उर्फ हग्या (अंसार नगर), आकीब कुरेशी, शेख नईम उर्फ राजा/होंगा, शेख नाजमि शेख रहीम उर्फ होंगा और शेख सोनू शेख रहीम उर्फ होंगा यांचा समावेश आहे. गुन्हे शाखेच्या या कारवाईतून शहरातील एका मोठ्या ड्रग्ज तस्करी रॅकेटचा पर्दाफाश झाला आहे. पोलिसांनी आता या आठ आरोपींचा शोध सुरू केला आहे.

आरोपी लहान ग्राहकांना ड्रग्ज सप्लाय करत होते आणि प्रत्येक खेपेचे पैसे मिळत होते. अंमली पदार्थ विरोधी विभाग सध्या या प्रकरणाचा तपास करत आहे, सूत्रधार कोण आहे याची चौकशी करत आहे. हे ड्रग्ज कुठून आणले, या रॅकेटमध्ये एखाद्या प्रमुख खेळाडूचा काही सहभाग आहे का? याविविध प्रश्नांची सविस्तर चौकशी आता सुरू आहे.

---------------

हिंदुस्थान समाचार / अरुण जोशी