छत्रपती संभाजीनगर, 30 सप्टेंबर (हिं.स.)डॉ. बाबासाहेब आंबेडकर मराठवाडा विद्यापीठाच्या अधिसभेवर महाराष्ट्र विधानसभेचा प्रतिनिधी म्हणून सिनेट सदस्य पदावर बीड विधानसभा मतदारसंघाचे राष्ट्रवादी काँग्रेसचे आमदार संदीप क्षीरसागर यांची नामनियुक्ती झाली आहे.

यासंदर्भात छत्रपती संभाजीनगर येथे पोहोचल्यानंतर आमदार क्षीरसागर म्हणाले की, या निवडीबद्दल शासनाचे मनःपूर्वक आभार मानतो. भारतरत्न डॉ. बाबासाहेब आंबेडकर यांच्या नावाने ओळखल्या जाणाऱ्या विद्यापीठात माझी नियुक्ती होणे, ही माझ्यासाठी अत्यंत सन्मानाची आणि अभिमानाची बाब आहे.

आज नियुक्तीनंतर विद्यापीठाच्या बैठकीला उपस्थित राहण्याची संधी त्यांना मिळाली व यावेळी कुलगुरूंच्या हस्ते सन्मान करण्यात आला. या पदाला न्याय देण्यासाठी, शिक्षण क्षेत्रातील प्रगती व विद्यार्थ्यांच्या उज्ज्वल भविष्यासाठी मी पूर्ण क्षमतेने कार्यरत राहीन, ही खात्री देतो. असे ते म्हणाले

---------------

हिंदुस्थान समाचार / Hanumant Madanrao Chitnis