लातूर, 13 जानेवारी, (हिं.स.)लातूर महानगरपालिका निवडणुकीचे रणशिंग फुंकले गेले असून, प्रभाग १२ आणि १३ मधील काँग्रेस व वंचित बहुजन आघाडीच्या संयुक्त प्रचार सभेने लातूरचे राजकीय वातावरण ढवळून काढले आहे. संविधान चौकातील या विराट सभेला मिळालेला 'उत्स्फूर्त प्रतिसाद' विरोधकांची झोप उडवणारा ठरला आहे.
सभेतील भाषणातील मुद्दे:
विकासाचा 'पंचसूत्री' जाहीरनामा: ८० फुटी डॉ. बाबासाहेब आंबेडकर पुतळा, मनपा शाळेत CBSE शिक्षण, प्रत्येक प्रभागात अभ्यासिका आणि भव्य 'शिवसृष्टी' उभारण्याचा संकल्प.
सावकारी पाशातून सुटका:
प्रभागाचा विकास करायला लोकसेवक हवा, खाजगी सावकार नव्हे! - आमदार अमित देशमुख यांचा प्रहार.
भ्रष्टाचाराचा अंत: मनपातील दलाली आणि जन्म-मृत्यू दाखल्यांसाठी होणारी लूट थांबवून पारदर्शक कारभार देण्याचे आश्वासन.
बाहेरच्यांची लुडबूड नको
लातूरची संस्कृती टिकवण्यासाठी लातूरकर समर्थ आहेत, बाहेरच्यांच्या भूलथापांना बळी पडू नका.
जनशक्तीचा पाठिंबा
या सभेदरम्यान लिंगायत समाज आणि ब्लॅक पँथर युवा संघटनेने अधिकृत पाठिंबा जाहीर केल्याने काँग्रेस-वंचित आघाडीची ताकद द्विगुणित झाली आहे. खासदार डॉ. शिवाजी काळगे यांनी मतदारांना शब्द दिला की, निवडून येणाऱ्या प्रत्येक उमेदवाराच्या कामाची जबाबदारी आमची असेल!
---------------
हिंदुस्थान समाचार / Mahesh Madanrao Chitnis
