छत्रपती संभाजीनगर, 14 जानेवारी (हिं.स.)।
खुलताबाद येथील उपनगराध्यक्ष
पदासह स्वीकृत सदस्य पदासाठी निवड करण्यासाठी महाराष्ट्र नगरपरिषदा नगरपंचायती व औद्योगिक नगरी अधिनियम १९६५ निवडणूक नियम २००५ नुसार निवड प्रक्रिया राबविण्याबाबत पीठासीन अधिकारी तथा नगराध्यक्ष सय्यद आमेर पटेल यांच्या अध्यक्षतेखाली १३ जानेवारीला नगरपरिषदेची पहिली सर्वसाधारण सभा झाली.
मात्र, १३ जानेवारी रोजी होणारी बैठक पुढे ढकलण्यात आली असून आता १६ जानेवारी रोजी दुपारी बारा वाजता खुलताबाद नगरपरिषद सभागृहामध्ये विशेष सर्वसाधारण सभा आयोजित करण्यात आली आहे. या सर्वसाधारण सभेमध्ये उपनगराध्यक्ष पदासह दोन स्वीकृत सदस्य पदाची निवड करण्यात येणार
आहे. नगर परिषदेत नगराध्यक्ष सय्यद आमेर पटेल काँग्रेसचे असून राष्ट्रवादी काँग्रेसचे सर्वाधिक नऊ नगरसेवक, भारतीय जनता पक्षाचे सात नगरसेवक तर काँग्रेसचे चार नगरसेवक आहेत. उपनगराध्यक्ष पदासाठी राष्ट्रवादी काँग्रेस तर्फे गजानन फुलारे, अनिस जहागीरदार, अयाज बेग, कैलास बारगळ यांच्या नावाची चर्चा आहे. भारतीय जनता पार्टीचे नवनाथ बारगळ, सुरूबाई बाबासाहेब बारगळ, उमेश आवारे यांच्या नावाची चर्चा आहे.
उपनगराध्यक्ष पदाची माळ कोणाच्या गळ्यात पडते, तसेच स्वीकृत सदस्य पदी कोणाची वर्णी लागते, याकडे शहरवासीयांचे लक्ष लागून आहे.
---------------
हिंदुस्थान समाचार / Hanumant Madanrao Chitnis
