जळगाव, 02 जानेवारी (हिं.स.)जळगाव महापालिकेच्या निवडणुकीसाठी माघारी अखेर महायुतीच्या तब्बल १२ उमेदवारांची बिनविरोध निवड झालीय. यामध्ये भाजपच्या ६ तर शिवसेना शिंदे गटाच्या सहा जागा बिनविरोध झाल्या.जळगाव महापालिकेच्या ७५ जागांसाठी १०३८ उमेदवारांनी अर्ज केले होते. पैकी छाननीअंती ९०३ अर्ज वैध ठरले होते. १ आणि २ जानेवारी उमेदवारी अर्ज माघार घेण्याची मुदत होती. माघारी अखेर अनेक उमेदवारांनी माघारी घेल्याने काही प्रभागातील जागा बिनविरोध झाल्या आहेत. एकूण ७५ जागांपैकी महायुतीच्या १२ जागा बिनविरोध झाल्या आहेत. यामध्ये भाजपच्या ६ आणि शिंदे गटाच्या सहा उमेदवारांचा समावेश आहे.

भाजपचे बिनविरोध उमेदवार

प्रभाग ७ अ मधून दिपमाला काळे ,प्रभाग ७ ब मधून अंकिता पाटील प्रभाग ७ क मधून विशाल भोळे

प्रभाग १२ ब मधून उज्ज्वला बेंडाळे प्रभाग १३ क मधून वैशाली अमित पाटील प्रभाग १६ अ मधून डॉ. विरण खडके शिवसेनेचे बिनविरोध उमेदवार प्रभाग २ अ मधून सागर सोनावणे प्रभाग ९ अ मधून मनोज चौधरी प्रभाग ९ ब मधून प्रतिभा गजानन सोनवणे प्रभाग १८ अ मधून डॉ.गौरव सोनवणे प्रभाग १९ अ मधून रेखा पाटील प्रभाग १९ ब मधून गणेश उर्फ विक्रम सोनवणे

---------------

हिंदुस्थान समाचार / मनोहर कांडेकर