सोलापूर, 20 जानेवारी (हिं.स.)। सामान्य प्रशासन विभागाचे 26 सप्टेंबर 2012 च्या परिपत्रकानुसार तालुका, जिल्हा/महानगरपालिका, विभागीय, मंत्रालय स्तरांवरील लोकशाही दिन अंमलबजावणीबाबत एकत्रित आदेश दिलेले आहेत. परिपत्रकातील कलम 5.7 नुसार लोकशाही दिन केव्हा होणार नाही याबाबत दिलेल्या स्पष्टीकरणामध्ये ज्या ज्या क्षेत्रांमध्ये निवडणूकीकरीता आचारसंहिता लागू करण्यात आली आहे, अशा ठिकाणी त्या स्तरावरील लोकशाही दिनाचे आयोजन करण्यात येवू नये अशा सूचना दिलेल्या आहेत. जिल्हाधिकारी कार्यालयात दरमहा महिन्याचे पहिल्या सोमवारी जिल्हा लोकशाही दिनाचे आयोजन करण्यात येते. परंतु दि.13 जानेवारी 2026 पासून सोलापूर जिल्हा परिषद व पंचायत समिती निवडणूकीची आचारसंहिता लागू झालेली असल्याने जिल्हास्तरावरील लोकशाही दिनाचे आयोजन उक्त नमूद परिपत्रकानुसार करता येणार नाही. तसेच दि. 02 फेब्रुवारी, 2026 रोजी होणारा जिल्हा लोकशाही दिन आयोजित केला जाणार नाही, असे निवासी उपजिल्हाधिकारी अभिजीत पाटील यांनी प्रसिध्दी पत्रकान्वये कळविले आहे.

---------------

हिंदुस्थान समाचार / यशपाल गायकवाड