रत्नागिरी, 5 जानेवारी, (हिं. स.) : बालकांसाठी जिल्हास्तरावर चाचा नेहरु बालमहोत्सवाचे मंगळवार, दि. 6 जानेवारी रोजी छत्रपती शिवाजी क्रीडांगणावर सकाळी 10 वाजता मान्यवरांच्या हस्ते उद्घाटन होणार असल्याचे जिल्हा महिला व बाल विकास अधिकारी मनोज पाटणकर यांनी कळविले आहे.

जिल्ह्यात महिला व बाल विकास विभागातील शासकीय, स्वयंसेवी संस्थांमध्ये पुनर्वसनासाठी दाखल झालेल्या अनाथ, निराधार, उन्मार्गी मुलांमधील सूप्तगुणांना वाव देऊन त्यांच्यात एकमेकांविषयी बंधूभाव, सांघिक भावना निर्माण होण्यासाठी चाचा नेहरू बाल महोत्सव आयोजित करण्यास येतो.

जिल्हास्तरीय बाल महोत्सवामध्ये जिल्ह्यातील एकूण ८ अशासकीय बालगृहातील बालके तसेच तसेच रत्नागिरी नगरपालिका शाळांमधील बालके असे एकूण ५०० बालके सहभागी होणार आहेत.

जिल्हास्तरीय बालमहोत्सवामध्ये क्रिकेट, खोखो, कबड्डी, गोळाफेक, लांब उडी, १०० मीटर धावणे, ४ x १०० मीटर रिले, कॅरम, बुद्धिबळ, निबंध, चित्रकला, हस्ताक्षर, वक्तृत्व, अशा क्रीडा स्पर्धा तसेच सामूहिक नृत्य, सामूहिक गायन, नाटिका, वैयक्तिक नृत्य, वैयक्तिक गायन इत्यादी सांस्कृतिक स्पर्धांचे आयोजन दि. ६ जानेवारी ते ८ जानेवारी या कालावधीत छत्रपती शिवाजी महाराज क्रीडांगणआवर आयोजित करण्यात आला आहे.

---------------

हिंदुस्थान समाचार / रत्नागिरी