छत्रपती संभाजीनगर, 08 जानेवारी (हिं.स.)। गंगापूर तालुक्यात ११ ऐतिहासिक बारवांचे संवर्धन आणि जीर्णोद्धार करीता २.८८ कोटींच्या कामांचा शुभारंभ करण्यात आला. पुण्यश्लोक अहिल्यादेवी होळकर यांच्या त्रिशताब्दी जयंती वर्षाचे औचित्य साधून गंगापूर तालुक्यातील ११ ऐतिहासिक बारवांच्या संवर्धन व जीर्णोद्धार कामांचा शुभारंभ गणेशवाडी येथे उत्साहात पार पडला.

या संदर्भात अधिक माहिती देताना भारतीय जनता पक्षाचे आमदार प्रशांत बंब म्हणाले की, २ कोटी ८८ लाख रुपयांच्या निधीतून राबविण्यात येणाऱ्या या उपक्रमाचे उद्घाटन श्री क्षेत्र देवगडचे भास्करगिरी महाराज, रमेश महाराज वसेकर तसेच इंदौर राजघराण्याचे वंशज श्रीमंत मुकुंदसिंह राजे होळकर यांच्या शुभहस्ते झाले.

या निधीतून गंगापूर तालुक्यासह खुलताबाद तालुक्यातील वेरूळ येथील ऐतिहासिक बारवांचे जतन, दुरुस्ती व सुशोभीकरण करण्यात येणार असून, ऐतिहासिक वारसा जपण्याच्या दिशेने हे महत्त्वाचे पाऊल ठरणार आहे.

---------------

हिंदुस्थान समाचार / Hanumant Madanrao Chitnis