नांदेड, 07 जानेवारी (हिं.स.) :– स्वातंत्र्यलढ्यात प्राणांची आहुती देणाऱ्या सैनिकाच्या कुटुंबाची उपेक्षा थांबत नसल्याचा निषेध बिलोली तालुक्यातील येसगी येथील यमुनाबाई मारोतराव कुरुडे यांनी केला आहे. त्यांनी न्याय न मिळाल्यास प्रजासत्ताक दिनी जिल्हाधिकारी कार्यालयासमोर आत्मदहनाचा इशारा दिला आहे.

यमुनाबाई कुरुडे यांच्या पती स्वातंत्र्यसंग्रामात सक्रिय होते. २५ मे १९९३ रोजी स्वातंत्र्यलढ्यादरम्यान गोळी लागून त्यांचा वीरमरण झाला. पतीच्या निधनानंतर कुटुंबाच्या उदरनिर्वाहाची परिस्थिती गंभीर झाली आहे.

यमुनाबाई कुरुडे यांनी बिलोली तालुक्यातील येसगी येथील सर्व्हे नंबर २६१ मधील पाच एकर गायरान जमीन स्वतःच्या नावावर करण्याची मागणी केली आहे. ही जमीन मिळाल्यास कुटुंबाचा उदरनिर्वाह सुनिश्चित होईल, असे त्यांनी म्हटले आहे.

यमुनाबाईनी यापूर्वीदेखील जिल्हा प्रशासनाकडे पाठपुरावा केला आहे, मात्र त्यांच्या पत्राची दखल घेतली गेली नाही. प्रशासनाच्या उदासीनतेमुळे त्यांनी आता थेट जिल्हाधिकाऱ्यांना इशारा दिला आहे की, जर २३ जानेवारी २०२६ पर्यंत त्यांच्या मागणीवर सकारात्मक निर्णय झाला नाही, तर २६ जानेवारी रोजी जिल्हाधिकारी कार्यालयासमोर आत्मदहन करतील.

स्थानिक नागरिक आणि समाजसेवी यावेळी प्रशासनाकडून तात्काळ निर्णय घेण्याची मागणी करत आहेत, जेणेकरून स्वातंत्र्यसैनिकाच्या कुटुंबाला न्याय मिळू शकेल.

-------------

हिंदुस्थान समाचार / Sangita Hanumant Rao Chitanis