खासदार डॉ. भागवत कराड यांच्या हस्ते कार्यक्रम संपन्न

छत्रपती संभाजीनगर, 08 जानेवारी (हिं.स.) —

छत्रपती संभाजीनगर महानगरपालिका निवडणुकीच्या पार्श्वभूमीवर प्रभाग क्रमांक १० येथे भारतीय जनता पार्टीच्या अधिकृत उमेदवारांच्या प्रचारार्थ प्रचार कार्यालयाचे उद्घाटन भाजपचे खासदार डॉ. भागवत कराड यांच्या हस्ते करण्यात आले.

या निवडणुकीत भाजपकडून सौ. सुरेखा बाळासाहेब सानप, सौ. अर्चना संजय चौधरी, श्री. गणेश नावंदर व श्री. शिवाजी दांडगे हे उमेदवार रिंगणात आहेत. उद्घाटनप्रसंगी या प्रचार कार्यालयाच्या माध्यमातून प्रभागातील संघटन अधिक मजबूत करून नागरिकांशी थेट संवाद साधत विकासाचा अजेंडा प्रभावीपणे मांडण्याचा निर्धार व्यक्त करण्यात आला.

या कार्यक्रमाला भारतीय जनता पार्टीचे पदाधिकारी, कार्यकर्ते तसेच स्थानिक नागरिक मोठ्या संख्येने उपस्थित होते. आगामी महानगरपालिका निवडणुकीत प्रभाग क्रमांक १० मधून भाजपला भक्कम पाठिंबा मिळेल, असा विश्वास यावेळी व्यक्त करण्यात आला.

----------------

हिंदुस्थान समाचार / Hanumant Madanrao Chitnis