नवी दिल्ली, 15 मार्च (हिं.स.)पाकिस्तानच्या सलमान आघा याच्या अडचणी सुरूच असल्याचे दिसून येत आहे. बांगलादेशच्या मेहदी हसन मिराजने त्यांना प्रथम हुशारीने धाव बाद केले. त्यानंतर आघाला आपला राग अनावर झाला आणि त्यांचे हेल्मेट आणि ग्लोव्हज जमिनीवर फेकले. या कृतीमुळे आता आंतरराष्ट्रीय क्रिकेट परिषदेने (आयसीसी) त्यांना कठोर शिक्षा दिली आहे, ज्यामध्ये त्याच्या खात्यात एक डिमेरिट पॉइंट जोडला गेला आहे.
बांगलादेश विरुद्धच्या दुसऱ्या एकदिवसीय सामन्यात अर्धशतक झळकावल्यानंतर पाकिस्तानचा सलमान आघा खेळत होता. डावाच्या ३९ व्या षटकात बांगलादेशचा कर्णधार मेहदी हसन मिराज गोलंदाजी करण्यासाठी आला. मोहम्मद रिझवानने त्याच्या चेंडूवर फॉरवर्ड शॉट मारला आणि चेंडू थेट नॉन-स्ट्राइक एंडवर उभ्या असलेल्या सलमान आघा याच्या पायावर गेला. चेंडू थांबवण्याचा प्रयत्न करणाऱ्या मिराजने सलमानला धडक दिली. त्यानंतर मिराजने हुशारीने चेंडू उचलला, त्याला धावबाद केले आणि त्याला क्रीजवर पोहोचण्यापासून रोखले. सलमानला बाद दिल्यावर तो संतापला.
जेव्हा तिसऱ्या पंचाने त्याला बाद घोषित केले तेव्हा सलमान आघाने आपले ग्लोव्हज आणि हेल्मेट जमिनीवर फेकले आणि नाराजी व्यक्त केली. ही कृती आंतरराष्ट्रीय क्रिकेट परिषदेच्या आचारसंहितेचे लेव्हल १ चे उल्लंघन असल्याचे आढळून आले. त्यांना गेल्या २४ महिन्यांतील त्यांचा पहिलाच गुन्हा म्हणून एक डिमेरिट पॉइंट देण्यात आला. आघाने ही शिक्षा स्वीकारली आहे.
---------------
हिंदुस्थान समाचार / वृषाली देशपांडे
