परभणी, 30 मार्च (हिं.स.)।
जैन धर्माचे २४ वे तीर्थंकर भगवान महावीर यांची जयंती सोमवारी, ३० मार्च रोजी विविध कार्यक्रमांनी मोठ्या उत्साहात साजरी करण्यात आली. यानिमित्ताने काढण्यात आलेल्या भव्य शोभायात्रा व भगवान महावीर प्रतिमेच्या पालखी मिरवणुकीत चिमुकल्यांसह, महिला, तरूण आणि सकल जैन समाज बांधव मोठ्या संख्येने सहभागी झाले होते.सेलू शहरातील जैन मंदिरापासून सकाळी आठच्या सुमारास शोभायात्रा निघाली. सजवलेल्या पालखीतून भगवान महावीरांच्या प्रतिमेची मिरवणूक काढण्यात आली.सोबत अहिंसा रथ ही होता. शहरातील विविध भागातील प्रमुख रस्त्यांने पालखी मिरवणुकीचे ठिकठिकाणी उत्साहात स्वागत करण्यात आले. ढोल, ताशांच्या गजराने व भगवान महावीरांच्या जयघोषाने वातावरण दुमदुमून गेले. महावीर जयंतीनिमित्त गेल्या चार दिवसांपासून जैन मंदिरात विविध धार्मिक कार्यक्रमाचे, आयोजन करण्यात आले होते. भगवान महावीरांचा जलाभिषेकांसह ,स्वाध्याय,ध्वजारोहण,अभिषेकपूजन,विविध धार्मिक विधी उत्सव ,भजन संध्या,विविध सांस्कृतिक कार्यक्रम साजरे करण्यात आले. महाप्रसादाचा भाविकांनी लाभ घेतला.आदिनाथ गौशाळेस सकल जैन समाजातर्फ चारावाटप करण्पात आले उत्स.वासाठी सेलू शहरातील सकल जैन समाज बांधवांनी पुढाकार घेतला.
---------------
हिंदुस्थान समाचार / Chaitanya JayantRao Chitnis
