नाशिक, 05 एप्रिल (हिं.स.)।

चमरलेण्याच्या पायथ्याशी असलेल्या नंदिनी डेअरी फार्म येथे सालाबादप्रमाणे आयोजित मडबाथचा (माती स्नानाचा) अबाल वृद्धांसह हजारो लोकांनी आनंद लुटला.संगीताच्या तालावर नाचून लोकांनी आपला आनंद व्यक्त केला.लोकांच्या संपूर्ण शरीरावर चिखलाचा थर पाहून दुर्गमभागातून हे सारे लोक आले किंवा काय असेच येणाऱ्या जाणाऱ्यांना वाटत होते.आपल्या लोकांनाही ओळखणे कठीण जात होते असा हा नजारा होता. महेशभाई शहा, चिराग शहा तसेच योगगुरुजी आणि भाजपाचे ज्येष्ठ नेते नंदू देसाई यांच्या संयुक्त विद्यमाने गेल्या 30 वर्षांपासून या आगळ्यावेगळ्या कार्यक्रमाचे आयोजन केले जाते.कोरोनामुळे दोन वर्षे या उत्सवात खंड पडला होता परंतु नंतर मात्र लोकांचा उत्साह दांडगा दिसला.मुंबई,पुणे तसेच राज्याच्या काही भागातील आणि नाशिक महानगरातील सुमारे 1000 लोकांनी मडबाथचा आनंद लुटला. खरंतर हनुमान जयंतीनंतर येणाऱ्या पहिल्या रविवारी सालाबादप्रमाणे हा कार्यक्रम आयोजित करण्यात येतो. महिनाभर आधीपासून या कार्यक्रमाची तयारी करण्यात येते.वारुळाची माती गोळा केली जाते.आठ दिवस आधी ही माती भिजवली जाते.संपूर्ण शरीराला ही लावून आंघोळ करण्यामागचे शास्त्रीय कारण म्हणजे याने शरीरातील सर्व उष्णता निघून जाते आणि त्वचा चकचकीत होते,असे नंदू देसाई यांनी सांगितले. सकाळी 5.45 वाजेपासून हा कार्यक्रम सुरु झाला.बघता बघता लोकांचे थवेच्या थवे येथे येऊ लागले आणि स्वतःच्या अंगाला चिखल फासू लागले.पूर्वी एका पाटीत चिखल घेऊन प्रत्येकाला वैयक्तिकरित्या तो फासावा लागत होता .मात्र यावेळी 25 फूट लांबीचा खास टब तयार करण्यात आला होता आणि त्यात चिखल होता.या टबमध्ये 25 ते 30 लोक एकाचवेळी उतरून व अंगाला चिखल लावून बाहेर येत होते.नंतर एक तास उन्हात उभे राहून चिखल वाळल्यानंतर तेथे खास बसविण्यात आलेल्या शॉवरखाली उभे राहून मडबाथचा आनंद लुटत होते. मडबाथ घेणाऱ्या मान्यवरांमध्ये सेवानिवृत्त आयपीएस अधिकारी हरीश बैजल,डॉ.विश्वास सावरकर,नासिक सायकलिस्ट असोसिएशनचे अध्यक्ष अमित घुगे,करी लिव्हचे संचालक विशाल उगले आदींसह नाशिक सायकलिस्ट, जॉगर्स ग्रूप,जल्लोष ग्रूप, पंचवटी व्यापारी ग्रूप,नाशिक इको ड्राईव्ह,चामरलेणी इको ड्राईव्ह आदी ग्रुपचे सदस्य आदींचा समावेश होता. मडबाथनंतर मिसळपार्टीचाही सर्वांनी आनंद लुटला.

खूप छान अनुभवनाशकात मडबाथचे आयोजन केले जाते आणि त्यासाठी मला आमंत्रित केल्याचे समजल्यानंतर त्याचा आनंद लुटण्यासाठी मी आवर्जूनआलो आणि माझ्यासाठी हा सुखद धक्काच ठरला.हजारो लोकांना आमंत्रित करून इतका चांगला उपक्रम आणि त्यानंतर अल्पोपहार म्हणजे सारेकाही अभूतपूर्वच म्हणावे लागेल. हरीश बैजलसेवानिवृत्त आयपीएस अधिकारी

---------------

हिंदुस्थान समाचार / GOSAVI CHANDRASHEKHAR SUKDEV