सोलापूर, 09 एप्रिल (हिं.स.)।

: सोलापूर जिल्ह्यातील सर्व शासकीय, निमशासकीय तसेच खाजगी कार्यालयांनी मार्च २०२६ अखेरचे त्रैमासिक विवरणपत्र (ई.आर-१) ३० एप्रिल २०२६ पर्यंत ऑनलाईन सादर करणे बंधनकारक असल्याचे आवाहन करण्यात आले आहे.

कायदेशीर तरतूद

- सेवायोजन कार्यालये (रिक्तपदे अधिसूचीत करण्याची सक्ती करणारा) कायदा १९५९ व नियमावली १९६० मधील कलम ५(१) व ५(२) नुसार ही माहिती सादर करणे आवश्यक आहे.

- सार्वजनिक व खाजगी क्षेत्रातील आस्थापनांनी त्यांच्या कर्मचाऱ्यांची पुरुष/स्त्री/एकूण संख्या स्थानिक सेवायोजन कार्यालयास ऑनलाईन सादर करावी.

माहितीचा उपयोग

- प्राप्त सांख्यिकी माहितीचा उपयोग योजनाबद्ध आर्थिक विकासासाठी, प्रकल्प तयार करण्यासाठी व मनुष्यबळाचा अंदाज घेण्यासाठी केला जातो.

- ही माहिती महाराष्ट्र शासन व केंद्र शासनाच्या श्रम मंत्रालय, नवी दिल्ली यांना दर तिमाहीस पाठविली जाते.

सादरीकरणाची प्रक्रिया

- विवरणपत्र ई.आर-१ हे https://rojgar.mahaswayam.gov.in या वेबपोर्टलवर सादर करणे आवश्यक आहे.

- प्रत्येक आस्थापनाला युजर आयडी व पासवर्ड पूर्वीच देण्यात आले असून त्याचा वापर करून विवरणपत्र भरावे.

अधिक माहितीसाठी जिल्हा कौशल्य विकास रोजगार व उद्योजकता मार्गदर्शन केंद्र, नॉर्थकोट, पार्क चौक, सोलापूर (०२१७-२९९२९५६) येथे संपर्क साधावा. तसेच सर्व आस्थापनांनी विहित वेळेत विवरणपत्र सादर करावे, असे आवाहन कौशल्य विकास रोजगार व उद्योजकता विभागाच्या सहाय्यक आयुक्त संगीता खंदारे यांनी केले आहे.

---------------

हिंदुस्थान समाचार / यशपाल गायकवाड