पुणे, 20 मे (हिं.स.)।

देशभर गाजलेल्या वैद्यकीय पदवी प्रवेश परीक्षा ‘नीट’ पेपरफुटी प्रकरणातील मुख्य सूत्रधार शिवराज मोटेगावकर याच्या डेक्कन जिमखाना परिसरातील बेकायदा क्लासेसवर अखेर कारवाईचे आदेश देण्यात आले आहेत. महाराष्ट्र नवनिर्माण सेनेने आयुक्त कार्यालयात आंदोलन छेडल्यानंतर महापालिका आयुक्तांनी संबंधित क्लासेस सील करण्याचे निर्देश दिले.डेक्कन जिमखाना येथील जंगली महाराज रस्त्यावरील बोरावके इमारतीमध्ये आर.सी.सी. मोटेगावकर क्लासेस चालविले जात होते. मात्र या इमारतीला महापालिकेकडून अद्याप भोगवटा प्रमाणपत्र देण्यात आलेले नाही. तसेच अग्निशामक विभागाकडूनही ना हरकत प्रमाणपत्र मिळाले नसतानाही इमारतीचा वापर करून क्लासेस सुरू असल्याचा आरोप करण्यात आला आहे.

---------------

हिंदुस्थान समाचार / भूषण राजगुरु