नंदुरबार, 10 जून, (हिं.स.) भारतरत्न डॉ. बाबासाहेब आंबेडकर शासकीय वसतीगृह धर्मराज नगर, नंदुरबार येथे कनिष्ठ महाविद्यालयातील विद्यार्थ्यांसाठी मोफत प्रवेश प्रक्रिया सुरू झाली आहे. या वसतीगृहात अनुसूचित जाती, अनुसूचित जमाती, वि.जा.भ.ज., आर्थिकदृष्ट्या मागासवर्ग , इतर मागासवर्ग, विशेष मागास प्रवर्ग, दिव्यांग आणि अनाथ प्रवर्गातील विद्यार्थ्यांना विनामूल्य प्रवेश दिला जाणार आहे. प्रवेशासाठी पात्र विद्यार्थ्यांकडून ऑनलाईन अर्ज मागविण्यात आले आहेत.

वसतीगृहात मिळणाऱ्या मोफत सोयी-सुविधा: शासनातर्फे प्रवेशित विद्यार्थ्यांना खालीलप्रमाणे दर्जेदार व उच्च दर्जाच्या सोयी-सुविधा मोफत पुरविल्या जातात:

निवास व्यवस्था: राहण्यासाठी सुसज्ज इमारत असून प्रत्येक खोलीत पंखे, लाईट, वॉशिंग बेसिन,

स्वच्छ शौचालय व स्नानगृहाची व्यवस्था आहे. पालकांसाठी अभ्यागत कक्ष आणि गरम पाण्यासाठी

इलेक्ट्रिक गीझरची सोय आहे.

भोजन व आहार: विद्यार्थ्यांना सकाळी नाश्ता आणि 2 वेळेस पोटभर जेवण दिले जाते. आहारात

दूध, अंडी, फळे, सॅलड, पापड, लोणचे आणि आठवड्यातून दोनदा चिकन, मटण व गोड पदार्थांसह

'फिस्ट' दिले जाते. तसेच पिण्यासाठी वॉटर फिल्टरची सोय आहे.

अंथरूण-पांघरूण: प्रत्येक विद्यार्थ्याला पलंग, गादी, बेडशीट, उशी, चादर, ब्लँकेट आणि सतरंज्या

यांसारखे स्वच्छ साहित्य मिळते.

थेट बँक खात्यात आर्थिक लाभ: विद्यार्थ्यांच्या बँक खात्यावर दरमहा ₹600 निर्वाह भत्ता, शालेय

गणवेशासाठी ₹2,000, गमबूट व छत्रीसाठी ₹500, सहलीसाठी ₹2,000, स्टेशनरीसाठी

सरासरी ₹1,800 आणि प्रकल्प अहवालासाठी ₹1,000 जमा केले जातात.

वाचनालय व अभ्यासिका: स्पर्धा परीक्षा, शैक्षणिक पुस्तके, कथा-कविता संग्रहांची मोठी लायब्ररी

असून रोज 5 वृत्तपत्रे उपलब्ध असतात.

इतर सुविधा: वसतीगृहात आधुनिक व्यायाम साहित्य, मनोरंजन व सांस्कृतिक कार्यक्रमांसाठी

एलईडी टी.व्ही., क्रिकेट, व्हॉलीबॉल, फुटबॉल, चेस, कॅरम यांसारखे क्रीडा साहित्य उपलब्ध आहे.

आरोग्य व सुरक्षा: विद्यार्थ्यांच्या आरोग्यासाठी स्थानिक प्राथमिक आरोग्य विभागाकडून नियमित

तपासणी केली जाते आणि सुरक्षेसाठी संपूर्ण परिसरात सीसीटीव्ही कॅमेरे बसविण्यात आले आहेत.

अर्ज कसा व कधी करावा ?

कनिष्ठ महाविद्यालयीन विद्यार्थ्यांनी www.hmas.mahait.org या संकेतस्थळावर जाऊन ऑनलाईन

पद्धतीने अर्ज भरावयाचा आहे.

अर्ज भरण्याची सुरुवात: 15 जुलै 2026

अंतिम मुदत: 31 जुलै 2026

अधिक माहितीसाठी संपर्क: प्रवेशासंदर्भात अधिक माहिती व मार्गदर्शनासाठी गृहपाल व्ही. एन. गिरासे

भारतरत्न डॉ. बाबासाहेब आंबेडकर शासकीय वसतीगृह, धर्मराज नगर, नंदुरबार यांच्याशी

9022693551 या भ्रमणध्वनी क्रमांकावर संपर्क साधावा.

---------------

हिंदुस्थान समाचार / मनोहर कांडेकर