नवी दिल्ली, 18 जुलै (हिं.स.)। भारतीय रिझर्व्ह बँकेने (आरबीआय) नियमांचे पालन न केल्याबद्दल सहा कंपन्यांवर दंड ठोठावला आहे. विविध नियामक त्रुटी आणि उल्लंघनांमुळे रिझर्व्ह बँकेने या कंपन्यांवर २.७० लाख रुपयांपासून ६.२० लाख रुपयांपर्यंतचा दंड लावला आहे. यामध्ये बिगर-बँकिंग वित्तीय कंपनी मुथूट फायनान्सचाही समावेश आहे.

आरबीआयने जारी केलेल्या अधिसूचनेनुसार, केंद्रीय बँकेने मुथूट फायनान्सवर ५.८० लाख रुपये, सत्या मायक्रोकॅपिटल लिमिटेड आणि पॅन एमामी कॉस्मेडवर प्रत्येकी ३.१० लाख रुपये, धनी लोन्स अँड सर्व्हिसेस आणि मुथूट व्हेईकल अँड ॲसेट फायनान्सवर प्रत्येकी २.७० लाख रुपये, तर अवेल फायनान्शियल सर्व्हिसेसवर ६.२० लाख रुपयांचा दंड ठोठावला आहे.

रिझर्व्ह बँकेने सांगितले की, मुथूट फायनान्सवर दंड लावण्याचे कारण म्हणजे खात्यांच्या जोखीम वर्गीकरणाची वेळोवेळी समीक्षा करण्याची व्यवस्था प्रभावीपणे लागू करण्यात कंपनी अपयशी ठरली. याशिवाय, संशयास्पद व्यवहारांची प्रभावी ओळख आणि त्यांची माहिती देण्यासाठी सक्षम सॉफ्टवेअरचा वापरही करण्यात आला नाही. त्याचप्रमाणे, विविध कारणांमुळे अवेल फायनान्शियल सर्व्हिसेस, पॅन एमामी कॉस्मेड, सत्या मायक्रोकॅपिटल तसेच इतर कंपन्यांवरही दंड ठोठावण्यात आला आहे.

---------------

हिंदुस्थान समाचार / Suraj Chaugule