लातूर, 19 जुलै (हिं.स.) : प्रवाशांना सुरक्षित, आरामदायी आणि दर्जेदार प्रवासाची सुविधा उपलब्ध करून देण्याच्या उद्देशाने सुरू करण्यात आलेल्या 'राजमाता जिजाऊ' या नव्या एस.टी. बसचे लोकार्पण माजी मंत्री तथा उदगीरचे आमदार संजय बनसोडे यांच्या हस्ते संपन्न झाले.

यावेळी उपस्थित मान्यवरांच्या हस्ते बसचे पूजन करून फीत कापण्यात आली. यानंतर आ.संजय बनसोडे यांनी स्वत: बसमध्ये बसुन बसची पाहणी केली आणि चालक व वाहक यांना शुभेच्छा दिल्या. तसेच प्रवाशांना सुरक्षित व दर्जेदार सेवा देण्याचे आवाहन केले.

यावेळी जि.प. चे बांधकाम सभापती ज्ञानेश्वर बिरादार,रामराव राठोड, तालुकाध्यक्ष बालाजी भोसले, शहराध्यक्ष सय्यद जानीमियाँ, कार्याध्यक्ष शशिकांत बनसोडे, गटनेते अनिल मुदाळे, आगार प्रमुख अजय गायकवाड, नगरसेवक व्यंकट बोईनवाड, शिवकुमार कांबळे, धिरज कसबे, यमुनाजी भुजबळे,सर्जेराव भांगे, महेश बिरादार, शफी हाशमी, अरविंद गिलचे, विक्की भोसले, प्रकाश बिरादार, संदिप बिरादार, कमलाकर फुले, अभिजीत साकोळकर, रत्नाकर बिरादार,बाळु सगर, उर्मिला वाघमारे, वर्षा बनसोडे, ज्योती बानापुरे, शक्ती बलांडे, बाबासाहेब सुर्यवंशी,

आदी उपस्थित होते.

यावेळी बोलताना आ. संजय बनसोडे म्हणाले की, ग्रामीण आणि शहरी भागातील नागरिकांना चांगल्या दर्जाची वाहतूक सुविधा उपलब्ध होणे ही काळाची गरज आहे. 'राजमाता जिजाऊ' बसमुळे प्रवाशांचा प्रवास अधिक सुखकर, सुरक्षित आणि वेळेची बचत करणारा ठरेल. अशा उपक्रमांमुळे सार्वजनिक वाहतूक व्यवस्था अधिक सक्षम होण्यास मदत होईल.

उपस्थित मान्यवरांनीही या उपक्रमाचे स्वागत करुन प्रवाशांना उत्कृष्ट सुविधा उपलब्ध करून देण्याच्या दृष्टीने हा महत्त्वपूर्ण टप्पा असल्याचे मत व्यक्त केले.

लोकार्पण सोहळ्यास विविध क्षेत्रांतील मान्यवर, लोकप्रतिनिधी, सामाजिक कार्यकर्ते, बस व्यवस्थापनाचे पदाधिकारी, कर्मचारी तसेच मोठ्या संख्येने नागरिक उपस्थित होते.

नव्या बसच्या लोकार्पणामुळे परिसरातील नागरिकांनी समाधान व्यक्त केले असून, आधुनिक सुविधा असलेली ही बस प्रवाशांसाठी निश्चितच लाभदायी ठरणार असल्याची भावना उपस्थितांनी व्यक्त केली.

---------------

हिंदुस्थान समाचार / Mahesh Madanrao Chitnis