परभणी, 01 ऑगस्ट (हिं.स.)।
परभणी शहर महानगरपालिकेत लोकशाहीर अण्णाभाऊ साठे यांची जयंती शनिवारी (१ ऑगस्ट) उत्साहपूर्ण वातावरणात साजरी करण्यात आली. यानिमित्त आयोजित कार्यक्रमात अण्णाभाऊ साठे यांच्या प्रतिमेस पुष्पहार अर्पण करून अभिवादन करण्यात आले. यावेळी महापौर सय्यद इकबाल, उपमहापौर गणेश देशमुख आणि महानगरपालिका आयुक्त नितीन नार्वेकर यांनी अण्णाभाऊ साठे यांच्या प्रतिमेला पुष्पहार अर्पण करून त्यांच्या सामाजिक, साहित्यिक आणि लोकजागृतीच्या कार्याला अभिवादन केले.कार्यक्रमास उपायुक्त प्रज्ञावंत कांबळे, सहाय्यक आयुक्त गजानन जाधव, समाजकल्याण अधिकारी राजकुमार जाधव यांच्यासह महानगरपालिकेतील अधिकारी व कर्मचारी मोठ्या संख्येने उपस्थित होते. यावेळी उपस्थितांनी लोकशाहीर अण्णाभाऊ साठे यांच्या साहित्य, सामाजिक समता, श्रमिक व वंचित घटकांच्या उन्नतीसाठी केलेल्या कार्याचे स्मरण करून त्यांच्या विचारांचे अनुकरण करण्याचा संकल्प व्यक्त केला. कार्यक्रम प्रेरणादायी वातावरणात संपन्न झाला.
---------------
हिंदुस्थान समाचार / Chaitanya JayantRao Chitnis
03 Aug 2026
