लातूर, 22 ऑगस्ट (हिं.स.)।

लातूर जिल्हा परिषदेच्या प्राथमिक शिक्षण विभागाच्या नवनियुक्त शिक्षणाधिकारीपदी विकास कुकडे यांची नियुक्ती झाली असून त्यांनी नुकताच पदभार स्वीकारला. त्यानिमित्त राजमाता जिजामाता शैक्षणिक संकुलाच्यावतीने त्यांचे शाल, फेटा व पुष्पगुच्छ देऊन स्वागत करण्यात आले.

परभणी येथून लातूर जिल्हा परिषदेच्या रिक्त प्राथमिक शिक्षणाधिकारीपदी विकास कुकडे यांची नियुक्ती करण्यात आली आहे. त्यांनी पदभार स्वीकारल्यानंतर राजमाता जिजामाता शैक्षणिक संकुलाचे संस्थापक-सचिव प्राचार्य डी. एन. केंद्रे यांच्या हस्ते त्यांचा सत्कार करण्यात आला.

यावेळी तुळजाभवानी विद्यालयाच्या मुख्याध्यापिका स्वाती केंद्रे, प्राचार्य जी. आर. मुंडे यांच्यासह अन्य मान्यवर उपस्थित होते.

---------------

हिंदुस्थान समाचार / Mahesh Madanrao Chitnis