रत्नागिरी, 14 नोव्हेंबर, (हिं. स.) : जयगड येथील जेएसडब्ल्यू हेलिपॅडवर महायुतीचे स्टार प्रचारक आणि शिवसेना नेते, रत्नागिरी विधानसभा मतदारसंघाचे उमेदवार मंत्री उदय सामंत यांच्या हेलिकॉप्टरची निवडणूक आयोगाच्या कर्मचाऱ्यांनी आज तपासणी केली.

तपासणीदरम्यान श्री. सामंत यांनी निवडणूक आयोगाच्या सर्व नियमांचे पालन करण्याची तयारी दर्शवली. त्यांनी निवडणूक आयोगाच्या कर्मचाऱ्यांना सहकार्य करत तपासणी करण्यास सांगितले. ते म्हणाले की, निवडणूक एक लोकशाहीचा सण आहे. या सणाला यशस्वी करण्यासाठी प्रत्येक नागरिकाला आपली जबाबदारी पार पाडणे गरजेचे आहे. निवडणूक आयोगाचे सर्व नियम पाळूनच निवडणूक लढली पाहिजे.निवडणूक आयोगाच्या या तपासणीमुळे निष्पक्ष आणि पारदर्शक निवडणूक होण्यासाठी वातावरण निर्माण होईल, असा विश्वास व्यक्त करण्यात आला.

---------------

हिंदुस्थान समाचार / बाळकृष्ण कोनकर