सोलापूर, 14 नोव्हेंबर (हिं.स.)। एकादशी निमित्त बुधवारी पंढरपूरला विठुरायाचे दर्शन घेऊन वापस गावी परतल्यावर शेळगाव आर (ता .बार्शी ) येथिल वारकऱ्यांच्या पायी दिंडीत टेम्पो घुसून दोन वारकरी जागीच ठार झाले तर सहाजण जखमी झाल्याची घटना घडली आहे .

त्यामुळे संपूर्ण शेळगाव ग्रामस्थांवर शोककळा पसरली आहे .

याबाबत उषा गायकवाड यांनी वैराग पोलिसात फिर्याद दिल्याने गुन्हा दाखल झाला आहे . विशेष म्हणजे शेळगावात परतल्यावर टमटम या वाहनातून उतरून 100 मीटर पायी चालत जात असताना वारकऱ्यांच्या दिंडीत टेम्पो घुसून हा अपघात घडला आहे .यामध्ये वासुदेव भाऊ गवळी ( वय 56 ) व तुकाराम शिवराज जाधव (वय 52) गंभीर जखमी झाल्याने त्यांचा उपचारादरम्यान मृत्यू झाला आहे . तर शालन भारत अडसूळ , दिनेश दत्तात्रेय लोहार ,तुकाराम विष्णू गिलबिले (वय 63),उषा प्रताप गायकवाड , जोतिबा लक्ष्मण शेळके (वय70 ) , नीलकंठ अभिमन्यू आडसुळ (वय 55) हे सहा जण जखमी झाले आहेत .सर्व रा .शेळगाव आर ( ता .बार्शी ) येथिल वारकरी आहेत .

---------------

हिंदुस्थान समाचार / यशपाल गायकवाड