तैपेई, 24 डिसेंबर (हिं.स.)।तैवानमध्ये भूकंपाचे तीव्र धक्के जाणवले आहेत. तैवानच्या हवामान विभागाने दिलेल्या माहितीनुसार, बुधवारी तैवानच्या आग्नेय किनारपट्टीवरील तायतुंग काउंटीमध्ये 6.1 रिश्टर स्केल तीव्रतेचा भूकंप झाला. मात्र, तातडीने कोणत्याही नुकसानाची माहिती समोर आलेली नाही.

विभागाने सांगितले की, या भूकंपाचे धक्के राजधानी तैपेई येथेही जाणवले असून, शहरातील अनेक इमारती हादरल्या. हा भूकंप 11.9 किलोमीटर (सुमारे 7.39 मैल) खोलीवर झाला होता. माहितीनुसार, बुधवारी झालेल्या या भूकंपाचे जोरदार धक्के संपूर्ण शहरात जाणवले.उल्लेखनीय म्हणजे, तैवान हा दोन टेक्टॉनिक प्लेट्सच्या संधिस्थळाजवळ स्थित असल्याने, येथे भूकंप होण्याची शक्यता मोठ्या प्रमाणावर असते आणि हा प्रदेश भूकंपदृष्ट्या अत्यंत संवेदनशील मानला जातो.

---------------

हिंदुस्थान समाचार / Priyanka Bansode