सोलापूर, 28 डिसेंबर (हिं.स.)।
ऐन महापालिका निवडणुकीच्या तोंडावर एका महिलेने दक्षिण सोलापूर विधानसभा मतदारसंघातील भाजप कार्यकर्ते, शहर सरचिटणीस विशाल गायकवाड यांच्यावर विनयभंगाचा गुन्हा दाखल केला आहे.
प्रभाग 24 मधून इच्छुक असलेल्या विशाल गायकवाड यांची आता चांगलीच अडचण झाली आहे. या मतदारसंघाचे आमदार सुभाष देशमुख यांचे ते कट्टर समर्थक म्हणून ओळखले जातात. दरम्यान हा गुन्हा दाखल झाल्याने अडचणीत आलेल्या गायकवाड यांनी आपल्या फेसबुक खात्यातून स्वतः चा व्हिडिओ केला असून त्यात त्यांनी याप्रकरणी आपली प्रतिक्रिया देताना
“राजकीय सूडबुद्धीने घात केला. असंख्य वर्षाच्या राजकीय मेहनतीचे येत्या निवडणुकीत यश मिळणार असे वाटत असताना परफेक्ट वेळ साधत राजकीय हित शत्रूंनी माझ्यावर घाणेरडा डाव टाकला. तीव्र निषेध”. अशी पोस्ट पण केली आहे.
---------------
हिंदुस्थान समाचार / यशपाल गायकवाड
