सोलापूर, 12 मार्च (हिं.स.)। सोलापूर जिल्हा सैनिक कल्याण कार्यालयाच्या अधिपत्त्याखालील सैनिक मुलींचे वसतिगृह येथे अशासकीय माळी एक पद भरावयाचे आहे. माळी पदाचा अनुभव असणा-यास प्राधान्य देण्यात येईल. जिल्हयातील पात्र माजी सैनिकांनी सैनिक सेवेची व इतर शैक्षणिक कागदपत्रासह बुधवार 19 मार्च 2025 पुर्वी जिल्हा सैनिक कार्यालयात अर्ज सादर करावेत असे आवाहन जिल्हा सैनिक कल्याण अधिकारी मिलिंद तुंगार यांनी केले आहे. सदर पद हे माजी सैनिक प्रवर्गातून भरावयाची असून सोलापूर जिल्हयातील माजी सैनिक यांनी आपले अर्ज सैनिक सेवेची व इतर शैक्षणिक कागदपत्रे दिनांक 19 मार्च 2025 पूर्वी या कार्यालयात जमा करावी. 19 मार्च 2025 रोजी मुलाखती घेण्यात येतील. या पदासाठी 13089 रुपये प्रतिमहा मानधन देण्यात येणार असून, उमेदवारांनी स्वतःची मुळ कागदपत्रे सोबत आणावीत. सदर पद भरतीसाठी युध्द विधवा, माजी सैनिकाची विधवा पत्नी व माजी सैनिकांना प्राधान्य देण्यात येईल. माजी सैनिक उपलब्ध न झाल्यास नागरी जीवनातील उमेदवारांचा विचार केला जाईल. तरी सोलापूर जिल्ह्यातील पात्र व गरजू युध्द विधवा किंवा माजी सैनिकाची विधवा पत्नी व माजी सैनिकांनी जास्तीत जास्त लाभ घ्यावा असे आवाहन जिल्हा सैनिक कल्याण अधिकारी मिलिंद तुंगार यांनी केले आहे

---------------

हिंदुस्थान समाचार / यशपाल गायकवाड