धुळे, 9 मे (हिं.स.) रब्बी हंगाम 2024-25 मध्ये केंद्र सरकारने निश्चित केलेल्या हमीभावाने राज्यात भरडधान्य खरेदीसाठी बीम्स पोर्टल सुरु झाले आहे. या पोर्टलवर ऑनलाईन शेतकरी नोंदणी करण्यासाठी 31 मे पर्यंत मुदतवाढ देण्यात आली आहे, अशी माहिती जिल्हा पणन अधिकारी पी.व्ही. वाघमारे यांनी दिली आहे.

यापुर्वी भरडधान्य खरेदीसाठी 30 एप्रिल पर्यंत मुदत होती. परंतू अभिकर्ता संस्थांनी शेतकऱ्यांची नोंदणी करण्याकरीता मुदतवाढ देण्याची विनंती केलेली होती. त्याअनुषंगाने शासनाकडून 31 मे पर्यंत मुदतवाढ दिली आहे.

असे आहे नोंदणीचे ठिकाण

धुळे सहकारी खरेदी विक्री आणि प्रक्रिया सोसायटी लि. धुळे (99578 33707), शिरपूर तालुका सहकारी खरेदी विक्री सोसायटी लि.शिरपूर जि. धुळे (94221 23929), शिंदखेडा तालुका सहकारी खरेदी विक्री संघ लि.दोंडाईचा ता.शिंदखेडा जि. धुळे (92844 29877), शेतकरी सहकारी संघ लि. साक्री जि.धुळे (94218 85866), शेतकरी सहकारी संघ लि.नंदुरबार ता जि.नंदुरबार (97632 86860), शहादा तालुका सहकारी खरेदी विक्री संघ लि.शहादा, ता. शहादा जि.नंदुरबार (77220 14165 )वर संपर्क साधावा.

धुळे व नंदुरबार जिल्ह्यातील वरिल ठिकाणावर शेतकरी नोंदणी सुरु असून शेतकऱ्यांनी जास्तीत जास्त नोंदणी करावी, असे आवाहन जिल्हा पणन अधिकारी अधिकारी श्री.वाघमारे यांनी केले आहे.

---------------

हिंदुस्थान समाचार / मनोहर कांडेकर