छत्रपती संभाजीनगर, 15 सप्टेंबर (हिं.स.)।महाराष्ट्रातील ग्रामविकासाला नवी दिशा देणाऱ्या मुख्यमंत्री समृद्ध पंचायत राज अभियानाची राज्यस्तरीय शुभारंभ नियोजन बैठक छत्रपती संभाजीनगर विभागीय आयुक्त कार्यालय येथे संपन्न झाली.या बैठकीस ग्रामविकास व पंचायत राज विभागाचे मंत्री श्री.जयकुमार गोरे अध्यक्षस्थानी उपस्थित होते. ग्रामीण भागातील प्रत्येक नागरिकापर्यंत विकासाचा लाभ पोहोचवणे, पायाभूत सुविधा सक्षम करणे आणि गावांना स्वयंपूर्णतेकडे नेणे हे या अभियानाचे प्रमुख उद्दिष्ट असल्याचे त्यांनी यावेळी नमूद केले.यावेळी ग्रामविकासाशी संबंधित विविध योजनांचा आढावा घेऊन, अभियानाच्या यशस्वी अंमलबजावणीसाठी प्रशासनाला आवश्यक त्या सूचना देण्यात आल्या.

---------------

हिंदुस्थान समाचार / Hanumant Madanrao Chitnis