कोल्हापूर, 16 सप्टेंबर, (हिं.स.)। महिला खऱ्या अर्थाने कुटुंबाचा आर्थिक कणा आहेत .त्यांची आर्थिक शिस्त उल्लेखनीय आहे.त्यांच्या या आर्थिक शिस्तीमुळेच कुटुंबाची सर्वांगीण उन्नती होते असे गौरवोद्गार जिल्हाधिकारी अमोल येडगे यांनी काढले .

महिला आर्थिक विकास महामंडळ अर्थात मावीम व नवतेजस्विनी - महाराष्ट्र ग्रामीण महिला उद्यम विकास प्रकल्प अंतर्गत अस्मिता लोकसंचालित साधन केंद्र बालिंगा येथील सोळाव्या वार्षिक सर्वसाधारण सभेत ते बोलत होते.

या सभेला मार्गदर्शन करताना जिल्हाधिकारी म्हणाले, प्रशासनातर्फे 17 सप्टेंबर ते 2 ऑक्टोबर या कालावधीत ' स्वस्थ नारी - सशक्त परिवार ' हे अभियान राबविण्यात येत आहे या अभियानाचा . तसेच महिलांच्या आर्थिक उन्नतीसाठी शासनातर्फे अनेक विविध योजना राबविण्यात येतात त्याचाही लाभ महिला बचत गटांनी मोठ्या प्रमाणावर घ्यावा . स्त्रियांचीकेवळ आर्थिक उन्नतीच नाही तर सर्वांगीण प्रगती व्हायला हवी असेही मत त्यांनी यावेळी व्यक्त केले .तर माविमचे वरिष्ठ जिल्हा समन्वय अधिकारी कुंदन शिनगारे यांनी सन 2025 -26 या आर्थिक वर्षासाठी महिला बचत गटांसाठी सुमारे 53 कोटी रुपयांचे कर्ज वाटपाचे उद्दिष्ट असल्याचे सांगून येत्या 2 महिन्यात सुमारे दीड कोटी रुपये खर्च करून महिला बचत गटामार्फत ' कोल्हापूर चप्पल बांधणी ' प्रकल्प उभा करणार असल्याचे स्पष्ट केले .

यावेळी जिल्हाधिकारी श्री येडगे यांच्या हस्ते, दत्त / ओम साई महिला बचत गट,उद्योजिका शिवानी पाटील तसेच इयत्ता दहावीत 96 टक्के गुण मिळवणारी विद्यार्थिनी समीक्षा पाटील त्याचबरोबर सांगरूळ येथील कोल्हापूर चप्पल निर्माण करणाऱ्या महिला बचत गटाचा स्मृतिचिन्ह, प्रमाणपत्र व गुलाब पुष्प देऊन जिल्हाधिकाऱ्यांच्या हस्ते सन्मान करण्यात आला . क्रांतीज्योती सावित्रीबाई फुले यांच्या प्रतिमेला पुष्पहार अर्पण करून कार्यक्रमास प्रारंभ करण्यात आला . अस्मिता लोकसंचालित साधन केंद्र बालिंगा या ठिकाणी साधारणता 400 पेक्षा अधिक महिला बचत गट 32 पेक्षा अधिक गावांचा समावेश तर 5 हजारपेक्षा अधिक महिला सदस्य कार्यरत आहेत .या संस्थेची सुमारे 6 कोटी 16 लाख रुपयांपेक्षा अधिक बचत आहे . याप्रसंगी विजयकुमार चौगुले ,संस्थाध्यक्ष दिपाली कांबळे , डॉ .योगेश साळे ,सिद्धाराम मासाळे, सुनील बगाडे , श्री प्रधान सर , श्रीमती गुरव यांच्यासह माविम व सीएमआरसीचे इतर अधिकारी - कर्मचारी आणि महिला बचत गटाचे सदस्य मोठ्या संख्येने उपस्थित होते .

---------------

हिंदुस्थान समाचार / VijayKumar Pandurang Powar