मुंबई, 5 सप्टेंबर (हिं.स.)।आशिया कप 2025 सुरू होण्यास आता काही दिवस उरले आहेत. या स्पर्धेला 9 सप्टेंबरपासून सुरुवात होणार आहे. भारतीय संघ आपला पहिला सामना 10 सप्टेंबर रोजी यूएईच्या संघाविरुद्ध दुबईच्या मैदानावर खेळेल. टीम इंडिया दुबईला पोहोचली आहे आणि 5 सप्टेंबर रोजी आयसीसी अकादमीत पहिला सराव सत्र पार पडणार आहे. आता आशिया कप सुरू होण्याआधी भारतीय संघाचा स्टार खेळाडू हार्दिक पांड्या याचा नवा लूक समोर आला आहे, ज्यामध्ये त्याला ओळखणे चाहत्यांसाठी थोडेसे कठीण झाले आहे.

टीम इंडियाचा स्टार अष्टपैलू खेळाडू हार्दिक पांड्याने आपल्या नव्या लूकबाबतची माहिती सोशल मीडिया प्लॅटफॉर्म इन्स्टाग्रामवर फोटो पोस्ट करत दिली आहे, ज्यामध्ये त्याने केसांना नवीन रंग दिला आहे. हार्दिक पांड्याने केसांना ‘सँडी ब्लॉन्ड’ रंग दिला आहे. नवीन रंग केलेल्या केसांसह हार्दिक पांड्याचा लूक खूपच आकर्षक दिसत आहे. त्याने वेगवेगळ्या पोझमध्ये आपले फोटो पोस्ट केले आहेत.

हार्दिक पांड्या खूप काळानंतर पुन्हा मैदानात उतरणार आहे. त्याने आपला शेवटचा आंतरराष्ट्रीय सामना या वर्षाच्या सुरुवातीला झालेल्या चॅम्पियन्स ट्रॉफीमध्ये खेळला होता.आता आशिया कप 2025 मध्ये हार्दिक पांड्याचं प्रदर्शन टीम इंडियासाठी खूपच महत्त्वाचं ठरणार आहे. गोलंदाजीत त्याचे 4 षटके महत्त्वाची ठरणार आहेत, तर फलंदाजीत त्याच्यावर फिनिशरची भूमिका असेल, जी तो आतापर्यंत उत्तम प्रकारे पार पाडत आला आहे.

हार्दिक पांड्याच्या हातात आशिया कपमध्ये काही विशेष कामगिरी करण्याची संधीही आहे. तो टी20 आंतरराष्ट्रीय क्रिकेटमध्ये 100 षटकार पूर्ण करण्यापासून फक्त 5 षटकार दूर आहे. जर तो हे गाठतो, तर तो भारतीय संघाचा चौथा खेळाडू बनेल ज्याने ही कामगिरी केली आहे. त्याआधी रोहित शर्मा, विराट कोहली आणि सूर्यकुमार यादव यांनी हे यश मिळवले आहे.

---------------

हिंदुस्थान समाचार / Priyanka Bansode