मुंबई, 09 जानेवारी (हिं.स.)। पोकोने भारतातील स्मार्टफोन बाजारात आपला नवा पोको एम8 5जी स्मार्टफोन सादर केला आहे. अत्याधुनिक फीचर्ससह सुसज्ज असलेला हा फोन शक्तिशाली परफॉर्मन्स, उत्तम डिस्प्ले आणि दमदार बॅटरीमुळे चर्चेत आला आहे. या फोनमध्ये 6.77 इंचांची 3डी कर्व्ह्ड फुल एचडी+ डिस्प्ले देण्यात आली असून ती 120 हर्ट्झ रिफ्रेश रेट, 3200 निट्स पीक ब्राइटनेस, 240 हर्ट्झ टच सॅम्पलिंग रेट आणि 100 टक्के DCI-P3 कलर गॅमटला सपोर्ट करते. वेट टच 2.0 तंत्रज्ञानाच्या मदतीने हा फोन ओल्या हातांनीही सहज वापरता येणार आहे.

परफॉर्मन्ससाठी यात 4nm तंत्रज्ञानावर आधारित क्वालकॉम स्नॅपड्रॅगन 6 Gen 3 चिपसेट देण्यात आला असून 8 जीबीपर्यंत LPDDR4X रॅम आणि 256 जीबीपर्यंत UFS 2.2 स्टोरेजची सुविधा आहे. हा स्मार्टफोन अँड्रॉइड 15 आधारित हायपरओएस 2.0 वर चालतो आणि कंपनीने 4 वर्षे ओएस अपडेट्स तसेच 6 वर्षे सिक्युरिटी अपडेट्स देण्याचे आश्वासन दिले आहे. कॅमेराच्या बाबतीत फोनच्या मागील बाजूस 50 मेगापिक्सेलचा मुख्य आणि 2 मेगापिक्सेलचा द्वितीय असा ड्युअल कॅमेरा सेटअप देण्यात आला आहे, तर सेल्फी आणि व्हिडिओ कॉलिंगसाठी 20 मेगापिक्सेलचा फ्रंट कॅमेरा उपलब्ध आहे.

ऊर्जा पुरवठ्यासाठी 5520mAh क्षमतेची बॅटरी असून 45W वायर्ड फास्ट चार्जिंगला सपोर्ट आहे, तसेच 18W रिव्हर्स चार्जिंगची सुविधाही देण्यात आली आहे. फोनला IP65 आणि IP66 अशी डस्ट आणि वॉटर रेसिस्टन्स रेटिंग्स प्राप्त झाल्या आहेत, ज्यामुळे धूळ आणि पाण्याच्या शिंतोड्यांपासून तो सुरक्षित राहतो. केवळ 7.35 मिमी जाडी आणि 178 ग्रॅम वजनामुळे हा फोन हलका आणि स्लिम डिझाइनमध्ये उपलब्ध आहे.

किंमतीबाबत बोलायचे झाल्यास पोको एम8 5जीची सुरुवातीची किंमत 18,999 रुपये ठेवण्यात आली असून यात 6GB रॅम आणि 128GB स्टोरेज मिळते. 8GB + 128GB व्हेरिएंटची किंमत 19,999 रुपये तर 8GB + 256GB व्हेरिएंटची किंमत 21,999 रुपये आहे. या फोनची विक्री 13 जानेवारी 2026 पासून फ्लिपकार्टवर सुरू होणार असून कार्बन ब्लॅक, ग्लेशियल ब्लू आणि फ्रॉस्ट सिल्वर अशा रंगांमध्ये तो उपलब्ध असेल. सेलच्या पहिल्या 12 तासांत 1,000 रुपयांचा खास डिस्काउंट आणि त्यासोबत 2,000 रुपयांचा बँक ऑफरचा लाभ मिळणार असून ग्राहकांना हा फोन किमान 15,999 रुपयांपासून खरेदी करण्याची संधी मिळणार आहे.

---------------

हिंदुस्थान समाचार / Suraj Chaugule