नवी दिल्ली, 08 नोव्हेंबर (हिं.स.)रजत पाटीदारने दुखापतीच्या समस्यांमुळे 'एसीसी रायझिंग स्टार्स आशिया कप'मधून माघार घेतली आहे. त्याच्या जागी रिंकू सिंगची 'भारत अ' संघाच्या उपकर्णधारपदी नियुक्ती करण्यात आली आहे.

पाटीदारने बीसीसीआयला कळवले आहे की, सध्याच्या दुखापतींमधून सावरत असल्यामुळे त्याला ५० षटकांच्या फॉरमॅटसाठी निवडीचा विचार करू नये. परिणामी, त्याला 'भारत अ' संघातून वगळण्यात आले आहे.

पुरूष निवड समितीने रिंकू सिंगची नवीन उपकर्णधार म्हणून नियुक्ती केली आहे, तर पाटीदारच्या जागी आयुष बदोनीचा संघात समावेश करण्यात आला आहे.

रजत पाटीदारने बीसीसीआयला कळवले आहे की, दुखापतींच्या समस्यांमुळे त्याला ५० षटकांच्या फॉरमॅटसाठी निवडीचा विचार करू नये. त्यानुसार, त्याला 'एसीसी रायझिंग स्टार्स आशिया कप'साठीच्या 'इंडिया ए' संघातून काढून टाकण्यात आले आहे. पुरूष निवड समितीने रिंकू सिंगची उपकर्णधार म्हणून निवड केली असून, पाटीदारच्या जागी आयुष बदोनीला संघात स्थान दिले आहे, असे बीसीसीआयने म्हटले आहे.

'भारत अ'च्या १५ सदस्यीय संघाचे नेतृत्व तिलक वर्मा करणार असून, रिंकू सिंग उपकर्णधार म्हणून जबाबदारी सांभाळणार आहे. या संघात अभिषेक शर्मा, वैभव सूर्यवंशी, प्रभसिमरन सिंग आणि कुमार कुशाग्रा यांचाही समावेश आहे. याव्यतिरिक्त, संघात सूर्यांश शेडगे, शाहबाज अहमद, विपराज निगम, हर्ष दुबे, तनुष कोटियन, हर्षित राणा, प्रिन्स यादव आणि अर्शद खान यांचाही समावेश आहे.

'भारत अ' संघाला 'ग्रुप बी'मध्ये ठेवण्यात आले असून, या गटात त्यांच्यासोबत संयुक्त अरब अमिराती (युएई), नेपाळ आणि पाकिस्तान 'अ' हे संघ आहेत. 'ग्रुप अ'मध्ये बांगलादेश 'अ', श्रीलंका 'अ', अफगाणिस्तान 'अ' आणि हाँगकाँग (चीन) यांचा समावेश आहे. प्रत्येक गटातील अव्वल दोन संघ उपांत्य फेरीसाठी पात्र ठरतील, जी २६ आणि २७ नोव्हेंबर रोजी खेळवली जाईल. स्पर्धेचा अंतिम सामना २९ नोव्हेंबर रोजी होईल.

एसीसी रायझिंग स्टार्स आशिया कपसाठी 'भारत अ'चा अद्ययावत संघ:

अभिषेक शर्मा, वैभव सूर्यवंशी, प्रभसिमरन सिंग (यष्टीरक्षक), टिळक वर्मा (कर्णधार), रिंकू सिंग (उपकर्णधार), कुमार कुशाग्र (यष्टीरक्षक), सूर्यांश शेडगे, शाहबाज अहमद, विपराज निगम, हर्ष दुबे, तनुष कोटियन, हर्षित राणा, प्रिन्स यादव, अर्शद खान आणि आयुष बदोनी. (एएनआय)

---------------

हिंदुस्थान समाचार / वृषाली देशपांडे