नवी दिल्ली, 14 मार्च (हिं.स.) आयपीएल २०२६ च्या आधी कोलकाता नाईट रायडर्सला मोठा धक्का बसला आहे. हर्षित राणा आयपीएलमधून बाहेर पडला आहे. टी२० विश्वचषकापूर्वी एका सराव सामन्यादरम्यान राणा जखमी झाला होता आणि तेव्हापासून तो खेळत नाही. राणाला वगळल्यानंतर, मोहम्मद सिराजचा विश्वचषक संघात समावेश करण्यात आला होता.

तीन वेळा चॅम्पियन कोलकाता नाईट रायडर्स (केकेआर) ने हर्षित राणाच्या जागी बदली क्रिकेटपटू घेण्याचा निर्णय अद्याप घेतलेला नाही. केकेआरने झिम्बाब्वेचा वेगवान गोलंदाज ब्लेसिंग मुझारबानीला त्यांच्या संघात समावेश केला आहे.

हर्षितची दुखापत केकेआरसाठी मोठा धक्का आहे, कारण आंद्रे रसेलने आयपीएलमधून निवृत्ती घेतल्यानंतर वेगवान गोलंदाज डेथ ओव्हर्स हाताळेल अशी अपेक्षा होती. २४ वर्षीय राणावर ९ फेब्रुवारी रोजी मुंबईत शस्त्रक्रिया झाली, पण तो लीगमध्ये केकेआरकडून खेळण्यासाठी वेळेत बरा होणार नाही. २०२४ च्या केकेआरच्या विजेतेपदाच्या मोहिमेत राणाने महत्त्वाची भूमिका बजावली होती. त्याने १९ विकेट्स घेतल्या होत्या. या कामगिरीमुळे त्याला सर्व फॉरमॅटमध्ये भारतीय संघात नियमित स्थान मिळाले. २०२५ च्या हंगामापूर्वी फ्रँचायझीने त्याला ४ कोटीमध्ये कायम ठेवले होते आणि त्याने १३ सामन्यांमध्ये १५ विकेट्स घेतल्या होत्या.

केकेआरने अद्याप त्याच्या बदली दुसरा क्रिकेटपटू संघात घेण्याचा निर्णय घेतलेला नाही आणि आकाश दीप, वैभव अरोरा, उमरान मलिक आणि कार्तिक त्यागी सारखे खेळाडू त्यांना मिळणाऱ्या संधींचा पुरेपूर फायदा घेतील अशी आशा आहे. हर्षित राणा दुर्दैवाने अनुपलब्ध असेल, पण यामुळे संघातील इतर गोलंदाज, वैभव, उमरान, कार्तिक आणि आकाश यांना या संधीचा फायदा घेण्याची संधी मिळेल. अद्याप कोणताही बदली क्रिकेटपटू निश्चित झालेला नाही.

शिवाय, मथिशा पाथिरानाचा सहभाग आता संशयास्पद आहे. दुखापतीमुळे तो देखील टी२० विश्वचषकातून बाहेर पडला होता. केकेआर व्यवस्थापनाने अद्याप पाथिरानाच्या तंदुरुस्तीबद्दल कोणतेही अपडेट दिलेले नाहीत. तो सध्या बरा होत आहे.

---------------

हिंदुस्थान समाचार / वृषाली देशपांडे