ईटानगर, 17 मार्च (हिं.स.)।अरुणाचल प्रदेशची राजधानी ईटानगर येथे सोमवारी सायंकाळी भूस्खलनामुळे एक दुर्दैवी अपघात घडला. नीती विहार परिसरात जोरदार भूस्खलनामुळे एक भिंत कोसळली. या भिंतीखाली दबून चार जणांचा मृत्यू झाला, तर तीन जण जखमी झाले.

माहितीनुसार, ईटानगरमधील नीती विहार भागात सोमवारी सायंकाळी ही घटना घडली, जेव्हा मजूर तेथे काम करत होते. भूस्खलनादरम्यान भिंत कोसळल्याने तेथे काम करणारे सात जण मलब्याखाली अडकले. यामध्ये चार मजुरांचा जागीच मृत्यू झाला. ईटानगर राजधानी क्षेत्रचे पोलिस अधीक्षक जुम्मार बासर यांनी सांगितले की, सततच्या पावसामुळे ही भिंत कोसळली आणि त्यामुळे मजूर मलब्याखाली अडकले.

घटनेनंतर एसडीआरएफची टीम, पोलिस आणि जिल्हा प्रशासन तात्काळ घटनास्थळी पोहोचले आणि शोध व बचाव कार्य सुरू केले. पोलिस अधीक्षक जुम्मार बासर यांनी सांगितले की, बचाव पथकाने घटनास्थळावरून चार मृतदेह बाहेर काढले असून तीन जखमींना तातडीने रुग्णालयात दाखल करण्यात आले आहे. सध्या जखमींवर उपचार सुरू आहेत.

---------------

हिंदुस्थान समाचार / Priyanka Bansode