अकोला, 31 मार्च (हिं.स.)। स्वतंत्र मजदूर युनियनच्या वतीने असंघटित क्षेत्रातील घरगुती कामगारांची महत्त्वपूर्ण बैठक आयोजित करण्यात आली. या बैठकीत अकोला जिल्हा कार्यकारिणीची घोषणा करण्यात आली. यावेळी महाराष्ट्र राज्याचे जनरल सेक्रेटरी गणेश उके, सहसचिव दिनेश बोरकर तसेच कार्यकारिणी सदस्य दादाराव तायडे यांची प्रमुख उपस्थिती होती.

बैठकीत अरुणा संतोष लबडे यांची अध्यक्षपदी, हर्षदा धीरज खंडारे यांची उपाध्यक्षपदी, सोनाली योगेश मोरे यांची सचिवपदी निवड करण्यात आली. तसेच प्रगती देशमुख व सीमा मंगलदास लबडे यांची सहसचिवपदी, तर सुनिता राजेश कंकर यांची कोषाध्यक्षपदी निवड करण्यात आली. गौरा मॉन्ट नरेलो यांची सल्लागार म्हणून नियुक्ती करण्यात आली.

याशिवाय सदस्य म्हणून वंदना कांबळे, कल्पना आसरा, अंबिका इंगळे, मनीषा गायकवाड, वैशाली भिवटकर आणि ज्योती राजू पवार यांची निवड करण्यात आली. मurtीजापूर प्रमुख म्हणून सुनिता जाधव तर बार्शीटाकळी प्रमुख म्हणून सविता चव्हाण यांची नियुक्ती करण्यात आली.

या वेळी वक्त्यांनी कामगारांचे संघटित होणे अत्यंत आवश्यक असल्याचे सांगितले. “काठ्यांचा पुंजका” या उदाहरणाद्वारे एकतेची ताकद अधोरेखित करण्यात आली. घरगुती कामगारांच्या हक्कांसाठी शासनाने ठोस धोरणे राबविण्याची गरज व्यक्त करण्यात आली.

बैठकीत आंतरराष्ट्रीय कामगार संघटना (ILO) विषयी माहिती देण्यात आली. देशातील विविध भागांत संघटना कार्यरत असून कामगारांच्या समस्या सोडविण्यासाठी प्रशिक्षण व मजबूत संघटन आवश्यक असल्याचे सांगण्यात आले. नागपूर व औरंगाबाद येथे प्रशिक्षण केंद्र स्थापन करण्यात आले असून तेथे कार्यकर्त्यांना नियमित प्रशिक्षण दिले जाते.

---------------

हिंदुस्थान समाचार / जयेश गावंडे