- मृतांच्या नातेवाईकांना २ लाखांची मदत जाहीर

नवी दिल्ली, 20 एप्रिल (हिं.स.)। राष्ट्रपती द्रौपदी मुर्मू आणि पंतप्रधान नरेंद्र मोदी यांनी जम्मू-काश्मीरमधील उधमपूर येथे झालेल्या भीषण बस अपघातावर तीव्र शोक व्यक्त केला आहे. त्यांनी अपघातात जीव गमावलेल्या लोकांच्या कुटुंबीयांप्रती संवेदना व्यक्त केल्या असून जखमींना लवकरात लवकर बरे होण्यासाठी प्रार्थना केली आहे.

राष्ट्रपतींनी एक्सवर पोस्ट करत म्हटले, “जम्मू-काश्मीरमधील उधमपूर जिल्ह्यात झालेल्या बस अपघातात अनेक लोकांच्या मृत्यूबद्दल कळून मला अत्यंत दुःख झाले आहे. या अपघातात मृत्यू झालेल्या लोकांच्या कुटुंबीयांप्रती मी शोकसंवेदना व्यक्त करते. जखमी झालेल्या लोकांच्या लवकर बरे होण्यासाठी मी प्रार्थना करते.” पंतप्रधानांनी सांगितले की उधमपूरमधील बस अपघातात लोकांच्या मृत्यूची बातमी ऐकून त्यांना अत्यंत दुःख झाले आहे. त्यांनी शोकाकुल कुटुंबीयांप्रती संवेदना व्यक्त केल्या असून जखमींच्या लवकर बरे होण्यासाठी प्रार्थना केली आहे.

पंतप्रधान कार्यालयानुसार, या अपघातात मृत्यू झालेल्या प्रत्येक व्यक्तीच्या नातेवाईकांना पंतप्रधान राष्ट्रीय राहत निधी (पीएमएनआरएफ) मधून २ लाख रुपयांची सानुग्रह रक्कम दिली जाईल. तसेच, जखमींना ५० हजार रुपयांची आर्थिक मदत दिली जाईल. उल्लेखनीय आहे की सोमवारी जम्मू-काश्मीरमधील उधमपूर जिल्ह्यात एक प्रवासी बस डोंगरावरून घसरली, ज्यामुळे १६ जणांचा मृत्यू झाला असून २० जण जखमी झाले आहेत. अपघातानंतर बचाव आणि मदतकार्य वेगाने सुरू करण्यात आले.

---------------

हिंदुस्थान समाचार / Suraj Chaugule