ढाका , 27 जुलै (हिं.स.)।बांगलादेशचे माजी राष्ट्रपती मोहम्मद शहाबुद्दीन यांच्या राजीनाम्यानंतर आता त्यांच्यावरील भ्रष्टाचाराच्या आरोपांची चौकशी केली जाणार आहे. कायदामंत्री मोहम्मद असदुज्जमान यांनी रविवारी सांगितले की, जनतेच्या मागणीनुसार या आरोपांची सखोल चौकशी करून त्यानंतर आवश्यक ती कायदेशीर कारवाई केली जाईल.

मोहम्मद असदुज्जमान यांनी सांगितले की, माजी राष्ट्रपती मोहम्मद शहाबुद्दीन यांच्यावरील भ्रष्टाचाराच्या आरोपांची चौकशी केली जाणार आहे.त्यांनी स्पष्ट केले की, सरकार कोणत्याही व्यक्तीवर अन्याय करू इच्छित नाही. मात्र, राष्ट्रपती होण्यापूर्वीच्या काळातील भ्रष्टाचाराच्या आरोपांची सखोल चौकशी केली जात आहे. ते म्हणाले की, जनतेच्या मागणीचा विचार करून माजी राष्ट्रपतींवरील आरोपांची चौकशी पूर्ण झाल्यानंतर आवश्यक ती कायदेशीर कारवाई केली जाईल.

७६ वर्षीय शहाबुद्दीन यांनी आरोग्याच्या कारणास्तव आपला कार्यकाळ पूर्ण होण्यापूर्वीच, म्हणजेच दोन वर्षे आधी, शुक्रवारी राष्ट्रपतीपदाचा राजीनामा दिला. ते पदच्युत पंतप्रधान शेख हसीना यांचे दीर्घकाळचे निकटवर्तीय सहकारी मानले जात होते.

बांगलादेशच्या संविधानानुसार, संसदेचे अध्यक्ष हाफिज उद्दीन अहमद हे पुढील ९० दिवसांसाठी कार्यवाहक राष्ट्रपती म्हणून जबाबदारी सांभाळतील. तसेच या कालावधीत नव्या राष्ट्रपतींची निवड करणे बंधनकारक आहे. हाफिज उद्दीन अहमद हे उपचारासाठी परदेशात गेले होते. मात्र, देशाच्या सर्वोच्च पदाचा कार्यवाहक पदभार स्वीकारण्यासाठी ते तातडीने मायदेशी परतले आहेत.

---------------

हिंदुस्थान समाचार / Priyanka Bansode