अंबरनाथ, 24 सप्टेंबर (हिं.स.) - सीएट (CEAT) कंपनीच्या एकूण वीज खर्चापैकी 25% वीज ही सोलारद्वारे निर्मित करून त्याचा वापर केला जातो. सीएट कारखान्याच्या संपूर्ण कारखान्याचे छत सोलार द्वारे आच्छादित केलेले आहे.त्यामुळे सीएट कंपनी ही ऊर्जा बचतीच्या सुविधेने सुसज्ज असा कारखाना आहे. सीएट (CEAT) कंपनीच्या '५-स्टार' मानांकनप्राप्त अंबरनाथ येथील कारखाना प्रगत ऑटोमेशन आणि तंत्रज्ञान-आधारित डिजिटल उत्पादन पद्धती वापरत आहे.
सीएट अंबरनाथ कारखाना रेडिअल ऑफ-हायवे टायर्स (OHT) आणि स्पेशालिटी टायर्सच्या उत्पादनात विशेष प्राविण्य बाळगतो. 'सीएट स्पेशालिटी टायर्स' विभागांतर्गत संचलित हा कारखाना अवजड मशिनरींच्या टायर्ससाठी जागतिक स्तरावरील एक प्रमुख केंद्र आहे.
प्रगत तंत्रज्ञान आणि शाश्वत नवोपक्रमाला (Sustainable Innovation) गती देत, सीएट कंपनीने आपल्या अत्याधुनिक उत्पादन प्रकल्पाच्या क्षमता जाहीर केल्या आहेत. ४९ एकरांवर पसरलेल्या या उच्च-क्षमतेच्या प्रकल्पाची दररोज १०५ मेट्रिक टन (MTD) ऑफ-हायवे टायर्स (OHT) निर्मितीची क्षमता असून, येथे सुमारे ६५० कर्मचारी कार्यरत आहेत.
उत्पादनाचा दर्जा उंचावणे आणि ग्राहकांच्या गरजा त्वरित पूर्ण करणे या उद्देशाने, या प्लांटमध्ये संशोधन व विकास (R&D) आणि उत्पादन एकाच छताखाली आणले गेले आहे. या एकात्मिक रचनेमुळे शेतातील व प्रत्यक्ष वापरादरम्यानच्या गरजांनुसार टायर्स आणि रबर कंपाउंडच्या विकासात थेट आणि जलद बदल करणे शक्य होते.
याव्यतिरिक्त, हा प्रकल्प उच्च-स्तरीय शाश्वतता आणि डिजिटल मॅन्युफॅक्चरिंगचा मेळ घालत आधुनिक औद्योगिक क्षेत्रात नवा वस्तुपाठ घालत आहे. यात कंपनीने 'सस्टेनमॅक्स व्हीएफ' (SustainMax VF) टायर्सची निर्मिती केली असून, यामध्ये ९०.३% शाश्वत आणि रिसायकल केलेल्या घटकांचा वापर केला गेला आहे. या पर्यावरणपूरक प्रक्रियेला 'मॅन्युफॅक्चरिंग एक्झिक्युशन सिस्टीम' (MES) ची साथ मिळाली असून, यामुळे प्रत्यक्ष वेळेत (Real-time) ट्रॅकिंग आणि उत्पादनाच्या प्रत्येक टप्प्यावर पूर्ण पारदर्शकता (End-to-end traceability) निश्चित होते.
CEAT Limited या अग्रगण्य टायर उत्पादक कंपनीच्या दोन प्लांटसाठी ब्रिटिश सेफ्टी कौन्सिलकडून प्रतिष्ठित स्वॉर्ड ऑफ ऑनर हा प्रतिष्ठेचा पुरस्कार मिळवणारी CEAT ही जगभरातील 115 संस्थांपैकी एक आहे. ज्या कंपन्यांनी कामाच्या ठिकाणी आरोग्य आणि सुरक्षेचे व्यवस्थापन उत्कृष्टरित्या हाताळले आहे. CEAT च्या चेन्नई आणि CEAT स्पेशॅलिटीच्या अंबरनाथ येथील प्लांटला हा सन्मान प्रदान करण्यात आला.
सीएट (स्पेशलिटी टायर्स) सीईओ अमित तोलानी म्हणाले, “आमच्या CEAT चेन्नई आणि CEAT स्पेशालिटी अंबरनाथ प्लांटसाठी ब्रिटिश सेफ्टी कौन्सिलकडून प्रतिष्ठित स्वॉर्ड ऑफ ऑनर मिळाल्याबद्दल आम्हाला गौरव वाटतो. CEAT आमच्या ऑपरेशन्सचा अविभाज्य भाग म्हणून आरोग्य आणि सुरक्षिततेला स्थान देते आणि हे गौरव आमच्या कर्मचार्यांचे कल्याण, आमच्या ग्राहकांचे समाधान आणि आमच्या मालमत्तेचे संरक्षण सुनिश्चित करण्यासाठी आमच्या अटल समर्पणाची पुष्टी करते. आरोग्य आणि सुरक्षिततेच्या या उच्च मानकांचे पालन करण्यासाठी आम्ही वचनबद्ध आहोत.”
---------------
हिंदुस्थान समाचार / सुधांशू जोशी
