छत्रपती संभाजीनगर, 25 सप्टेंबर, (हिं.स.)। अन्वी, ता. सिल्लोड येथे श्री गणेशोत्सवानिमित्त आयोजित करण्यात आलेल्या गणपती विसर्जन मिरववणुकीत अत्यंत उत्साह दिसून आला.

विशेष म्हणजे, कोणताही डीजे न लावता पारंपरिक भजनी मंडळाच्या भक्तिमय भजनांच्या गजरात आणि टाळ-मृदंगाच्या साथीने गणरायाची विसर्जन मिरवणूक उत्साहात पार पडली. भक्ती, संस्कृती आणि परंपरेचा सुंदर संगम या मिरवणुकीत पाहायला मिळाला.

यावेळी भजनी मंडळातील सदस्य व गणेशभक्तांनी सादर केलेल्या भक्तिगीतांमुळे संपूर्ण परिसर भक्तिमय झाला होता. उपस्थित ग्रामस्थ व गणेशभक्तांशी संवाद साधून गणरायाचे दर्शन घेतले. आपली संस्कृती, आपली परंपरा आणि भक्तीचा वारसा जपत उत्सव साजरा करण्याचा हा सुंदर आदर्श निश्चितच कौतुकास्पद आहे.

याप्रसंगी भाजपा पदाधिकारी व ग्रामस्थ व महिला भगिनीं तसेच गणेश भक्त मंडळी गावकरी उपस्थित होते.

हिंदुस्थान समाचार / Hanumant Madanrao Chitnis