सेंट पीटर्सबर्ग, 26 सप्टेंबर (हिं.स.)। रशियाने मॉस्को युरोपीय देशांविरोधात कोणत्याही लष्करी कारवाईची तयारी करत नसल्याचा दावा केला आहे. राष्ट्राध्यक्ष व्लादिमीर पुतिन यांनी रशियाकडून असलेल्या धोक्याबाबत पाश्चिमात्य देशांकडून करण्यात येणारे दावे हे जाणीवपूर्वक तणाव वाढवण्याचा प्रयत्न असल्याचे म्हटले आहे.

रशियाच्या आंतरराष्ट्रीय वृत्तवाहिनी रशिया टुडे (आरटी) नुसार, सेंट पीटर्सबर्ग येथे आयोजित १२व्या युनायटेड कल्चर फोरमदरम्यान माध्यमांशी संवाद साधताना पुतिन यांनी सांगितले की, युक्रेनला पाठिंबा सुरू ठेवण्यासाठी युरोपीय देश तणाव वाढवत आहेत. युरोपमध्ये अस्तित्वात असलेल्या आक्रमक गटांवर रशियाचा विकास रोखण्यासाठी युक्रेनचा वापर केल्याचा आरोपही त्यांनी केला.

पुतिन यांनी एस्टोनियाचे संरक्षणमंत्री हानो पेवकुर यांच्या वक्तव्याला चिथावणीखोर संबोधले. त्यांनी रशियासोबत संभाव्य संघर्षाबाबत भाष्य केले होते. पुतिन यांनी या वक्तव्याला केवळ राजकीय तमाशा असल्याचे म्हटले.

रशियाचे राष्ट्राध्यक्षांनी युक्रेनसोबत पुन्हा चर्चेची शक्यताही व्यक्त केली. मॉस्को याबाबत कोणताही निर्णय रशियाच्या राष्ट्रीय हितांचा विचार करून घेईल, असे त्यांनी सांगितले. पुतिन यांनी दावा केला की, युक्रेनकडून युद्धविरामाच्या शक्यतांवर सक्रियपणे चर्चा केली जात आहे. यात ऊर्जा पायाभूत सुविधांवरील हल्ले थांबवणे आणि रशियाच्या काळ्या समुद्रातील किनारपट्टीची कथित नाकेबंदी संपवणे यांसारख्या मुद्द्यांचा समावेश आहे. युक्रेनकडून रशियावर हल्ले सुरूच असल्याचा आरोपही त्यांनी केला.

रशियाने युरोपवर हल्ला करण्याची कथित योजना आखल्याच्या दाव्यांनाही रशियाच्या राष्ट्राध्यक्षांनी फेटाळून लावले. युक्रेनवर खर्च सुरू ठेवण्याचे समर्थन युरोपीय नागरिकांसमोर करण्यासाठी या दाव्यांचा वापर केला जात असल्याचे त्यांनी म्हटले.

---------------

हिंदुस्थान समाचार / Suraj Chaugule