पॅरिस, 28 सप्टेंबर (हिं.स.)।फ्रान्सहून ब्रिटनला जाण्याचा प्रयत्न करणाऱ्या प्रवाशांची बोट समुद्रात अपघातग्रस्त झाली. फ्रान्सच्या अधिकाऱ्यांच्या माहितीनुसार, सोमवारी इंग्लिश चॅनेल पार करत असताना एका बालकासह दोन महिलांचा मृत्यू झाला. या दुर्घटनेत एकूण तीन प्रवाशांचा मृत्यू झाला आहे.

फ्रान्सच्या सागरी पोलिसांनी सांगितले की, त्यांना एका फुगवता येणाऱ्या रबरी बोटीतून आपत्कालीन मदतीचा संदेश मिळाला होता. या छोट्या बोटीत सुमारे १०५ प्रवासी होते. समुद्र शांत असतानाही बोटीच्या क्षमतेपेक्षा अधिक प्रवासी असल्यामुळे ती अचानक अस्थिर झाली आणि संकटात सापडली.

युरोपमध्ये सुरक्षित आश्रयाच्या शोधात आपला जीव धोक्यात घालून धोकादायक समुद्री प्रवास करणाऱ्या प्रवाशांच्या गंभीर संकटावर या दुर्घटनेने पुन्हा एकदा प्रकाश टाकला आहे.

---------------

हिंदुस्थान समाचार / Priyanka Bansode